പായുന്ന തീനാളങ്ങള്‍ക്ക് മുന്നില്‍ വീറോടെ, വാശിയോടെ മനസ്സില്‍ പിറന്നു വീണ മണ്ണിനെ മാത്രം പ്രതിഷ്ടിച്ചു മുന്നേറിയ നിമിഷങ്ങള്‍.......... . കൂട്ടുകാരില്‍ പലരും മരിച്ചു വീണു, കയ്കളും കാല്‍കളും നഷ്ടപ്പെട്ട് ചിലര്‍., കൂട്ടത്തില്‍ പണ്ടെങ്ങോ വര്‍ഗീയത പറിച്ചു മാറ്റി നട്ട പാക്‌ സഹോദരങ്ങള്‍. , തളര്‍ന്നില്ല ,ഭാരതത്തിന്‍റെ നൂറിലേറെ കോടി ജനങ്ങള്‍ മനസ്സിന് കടുപ്പവും, മേനിക്കു ഊര്‍ജവും നല്‍കി. ഇടറിയ കാലുകളുമായി പാഞ്ഞു കയറി.വെടിക്കോപ്പുകളുടെ കാതടപ്പിക്കുന്ന ശബ്ദം ഞാന്‍ അറിഞ്ഞതില്ല. ഇടക്കെപ്പോഴോ നെഞ്ചിനുള്ളില്‍ തുളഞ്ഞു കയറിയ വെടിയുണ്ടകള്‍... എവിടെയൊക്കെയോ നീറ്റലുകള്‍ മാത്രം.ബോധം നഷ്ടപ്പെട്ടിരിക്കുന്നു. കാഴ്ച മങ്ങി തുടങ്ങി..കരഞ്ഞില്ല ഞാന്‍,.പകരം മുറിവേറ്റ ശബ്ദത്തില്‍ ഉറക്കെ വിളിച്ചു പറഞ്ഞു. മേരാ ഭാരത് മഹാന്‍............ .. .എനിക്ക് മുന്‍പേ പാഞ്ഞവരില്‍ ചിലര്‍ തിരിഞ്ഞു നോക്കി. എന്റെ വീഴ്ച അവര്‍ക്ക് ഊര്‍ജം നല്‍കി. മരണത്തിനും വിജയത്തിനും ഇടയിലെ നിമിഷങ്ങള്‍ ഇനി അവര്‍ക്ക് സ്വന്തം. കുടുംബത്തിനു വേണ്ടി കരുതി വച്ചിരുന്നതെല്ലാം , ഈ നിമിഷം അമ്മയ്ക്കുവേണ്ടി ബലികഴിക്കുന്നു. ഒടുവില്‍ ത്രിവര്‍ണ പതാകയില്‍ പുതച്ചു കിടത്തിയ എനിക്കരുകില്‍ ഏവരും കരയാതെ നിന്നു .. അമ്മയുടെ തേങ്ങല്‍ മാത്രം. എനിക്കറിയാം, ആ തേങ്ങലില്‍ എണ്ണമറ്റാത്ത അമ്മമാരുടെ പ്രാര്‍ത്ഥനയും കണ്ണീരും ഉണ്ടെന്നു.ആകാശത്തേക്ക് ഉയര്‍ത്തി വച്ച ആറു തോക്കുകളില്‍ നിന്നും മൂന്നു റൗണ്ട് വെടിയൊച്ച.മതി.എന്റെ രാജ്യത്തിന്‌ വേണ്ടി ഞാന്‍ എന്നെ അര്‍പ്പിക്കുന്നു. ചിതയില്‍ കിടത്തിയ എനിക്ക് മുന്നില്‍ നീട്ടിവച്ച ജ്വലിക്കുന്ന പന്തവുമായി മകന്‍.. ... എരിയുന്ന തീനാളങ്ങള്‍ അവനില്‍ ഞാന്‍ കണ്ടു , നാളെയുടെ കരങ്ങള്‍ . . . .അതിര്‍ത്തികളേയും നമ്മുടെ ജനതയെയും അമ്മയുടെ ഉടുവസ്ത്രം പോലെ കാക്കുക. ജയ് ജവാന്‍ . ജയ് ഹിന്ദ്‌.!!!
ഏവര്‍ക്കും സ്വാതന്ത്ര്യ ദിന ആശംസകള്‍
ഏവര്‍ക്കും സ്വാതന്ത്ര്യ ദിന ആശംസകള്‍
- സഹയാത്രികൻ
യദുകൃഷ്ണൻ
